Деша ловш бола керда нах дӀаэц «Фермерий ишколо»
Карарча шера бекарга бетта 24-ча дийнахьа «Фермерий ишколе» кхаь бетта ладувгӀа боагӀаргба керда дешархой, уж ба зоотехника, агронома даькъош тӀа болх бе ловраш. Къаьстта цу шин оагӀонна тӀадерзадаь хургда дешар, яхаш, дийцар ГӏалгӀай Республикан юртбоахама Министерстве.
Боахамо яхачох, хьалххе а цига чакхбаьннараш, ишколе дӀаязбаьраш болх мишта бе беза дувцаш хургба. Цул совгӀа, фермерий боахамашка къахьегаш, цар кӀалха яь кийчо хургья. Иштта уж Ӏомабергба ахчанцара бизнес-моделаш лелае.
Фермерий ишколе царна довзаргда эггара керда даьнна предприяте даькъ тӀара хьалаш, уж Ӏомалургба йоккхача холдингашца коопераци лелае.
«Тӏема гӀулакхе хиннараш (лаьрххӀача операце дакъа лоацаш хиннараш,тӀема доакъашхой), иштта цар дезал дӀаэцаргба чакхбалара яхь йоацаш.
Белгалду, цу проекта керттердар - ахархошта эшаш дола хӀамаш Ӏомадар, шоай доалахьара бизнес хьаелла хар», - аьлар ГӏалгӀайчен юртбоахаме.
«Фермерий ишкол» - из Россельхозбанка, ГӏалгӀай паччахьалкхен университета дешара проект я; Российски Федераце, ГӏалгӀай Республико, ГӏалгӀай Республикан Паччахьалкхено, республикан АККОРо, Республикан йоккхача юртбоахама предприятеша хьаллоац из.
