«ИнформУИК» яха проект я вай мехка йоаржаеш
«ИнформУИК» яха адресашка гӏолла хоам барах йола проект я, вай мехка йоаржаеш. Кастта хила дезача хоржамех дувцаш; квартирашка, цӏеношка чуувтташ ба избиркома болхлой. 2026-ча шера тов бетта 18, 19, 20-ча деношка дӏахьоргда вай мехка хоржамаш.
«Россе хоржамех хоам беш йола проект «ИнформУИК» массанахьа дикка яьржа я тахан, массане раьза болаш тӏаийцай из. Дуккхача наьха, хоржамашка дакъа лоацаргдолаш, дог ураоттадеш я из. Цӏеннах чуувтташ лелараш бовз тӏабувхача, хоржамех хоам беш болча гӏирсах. Иштта хоржама комиссена юкъера хӏаравар вовзийташ лаьрхӏа бейджикаш я царга», - дийцар «Сердалога» мехкарча Избиркоме.
Лаьрххӏа кийчдаь дола хоам бу пакеташ дӏател бахархошка участкови хоржама комиссе доакъашхоша. Цу чу да Россе Керттерча хоржама комиссен хьалха латтача Памфилова Эллас бахархошка кхайкарал деш дола каьхаташ. Хоржамашка дакъа лоацаш волча мехкахочун ха дезаш мел дола хӏама белгалдаьд цар тӏа.
