Толашагӏа волча госавтоинспектора цӏи йоаккхаргья мехка
20.05.2026 09:04
«Ший балха тӏа дикагӏвар» яха Ерригача Россе Госавтоинспекце болхлошта юкъера яхьаш я вай мехка дӏахьош. Республикера ворхӏ толашагӏа вола инспектор хургва цу юкъе дакъа лоацаш. Кхаь дийнахьа латтаргья яхьаш.
«Программан юкъе да болхлой говзал, кхетама хьал тохкаш дараш. Царех да наькъашкарча бокъонашца, хатар эттача хана кадай хьовзарца, моллагӏа хӏама нийсача новкъа даккхарца дувзаденна инспектора балхацара декхараш», - дийцар «Сердалога мехкарча МВД зарбан болх лелабераша.
Грамоташ, кубкаш яларал совгӏа; ахчан совгӏаташ а къоастадергда толашагӏа барашта мехкарча МВД. Хӏаьта республике котваьннар Орёл яхача шахьаре хьатӏабоагӏача бетта 21-ча денгара 27-ча денга кхаччалца хургйолча Ерригача Россе яхьашка вай мохк дӏабовзийташ хургва.
