Кхашкара балхаш дӀадахьара эша доагор долаш да
ГӀалгӀай мехка кхашкара балхаш де кхоачам болаш доагора материалаш лоаттаяра гӀулакх керттерчарех да. Совещани дӀайихьар ГӀалгӀайчен УФАС юртбоахмий, экономикан,энергетикан министерствай викалаша дакъа лоацаш, яхаш, дийцар «Сердало» газетага ГӀалгӀай мехкарча Россе УФАСа зарбан болх лелабераша.
Керттера декхар - эшаш долча доагора материалашца Ӏалашо яр, иштта кхашкара балхаш дӀадоладелча цу царца эшача боараме Ӏалашо яь хилар. Цар кхоачам хилар, маьхаш чӀоагӀа латташ хилар - из да кхашкара балха керттердар», - аьлар ГӀалгӀайче гӀолла йолча Россе УФАСо.
Юртбоахама Министерствон викало аьлар, хӀанз укх сахьате доагора материалашца ювзаенна сагото е езаш яц, царца боагӀаш болча боараме Ӏалашо яьй. Цу моттиго таро лу паргӀатта кхашкара балхаш дӀадахьа.
Нагахьа санна антимонопольни закон телхадеш моттиг нийслойя, ГӀалгӀай мехкарча Россе УФАСо йоагӀаш йола терко ергья. Боахамашта юкъера хьал довзаш хилар лоархӀаме да, ший ханнахьа ГӀалгӀай Республикан мехкадаьтта продукташцара хьал гуш хилара.
