Къаман проекташ кхоачашъяра тӀехьа, тӀахьожам лоаттабу юкъара болх бечар
![Къаман проекташ кхоачашъяра тӀехьа, тӀахьожам лоаттабу юкъара болх бечар](http://serdalo.ru/storage/tnquNNF5F5jmqWdedJbh431MhoE2mOz9F6wFYmJn.jpg)
Республике къаман проекташ йоаржаяра тӀехьа, тӀахьожам лоаттабеш ба юкъара болх лелабераш. Шахьара куц тоадарах йолча паччахьалкхен программага гӀолла, тоабеш латт Илдарха-ГӀалий тӀара 533 метр бола ЦӀечой цӀи тӀатеха урам.
Из болх дӀабахьара гӀулакх малагӀча хьале да тахка арабаьлар юкъарча комиссе доакъашхо вола шахьара депутатий Совета кулгалхочун гӀонча, Россе МВД юкъарча совета секретарь Амаканаькъан Хьусен, шахьара Юкъарча совета доакъашхо Пхьилекъонгий Амир, дийша саг ГӀанажанаькъан Хьасан. Из хоам «Сердалога» бир шахьара мэре.
ХӀанз укхаза керда асфальтабетона никъ ба, тоадаьд гӀашлой наькъаш, гӀандаш дегӀа, нувхаш дӀакхувса яьшкаш оттаяьй.
«ДӀабихьача балха раьза болаш хилар тӀахьажа бахараш. Машинашта, гӀаш болхарашта дуккха паргӀатагӀа я хӀанз цу урам тӀа гӀолла лела, бовзаргбоацаш хоза тоабаьб урам», - белгалдир шахьаре.