Юкъарлонцара тӏахьожамхой бахар, Илдарха-Гӏалий тӏара тӏий тоадара гӏулакх мишта латт хьажа
Гӏалгӏайчен юкъарлон викалаша бахар, Илдарха-Гӏалий тӏа тӏий тоадеш болча балхага хьажа, из болх хӏанз чакхбоалаш ба, яхаш, хоам бу «Сердало» газетага Гӏалгӏай Республикан Минавтодортранса зарбан болх лелабераша.
Белгалду, карарча хана укхаза гонахьа карт а оттаергья, иштта цхьацца йолча моттигашка бетонаца чӏоагӏо а ергья.
«Оаха теркам тӏабохийт хӏара гӏишлонна. Из тӏий воча хьале дар, хӏанз геттара хувцаделар, дика гӏирс хилар цох: тишъенна моттигаш кердаяьхар, нийса асфальт биллар, гӏашлошта лаьрхӏа кхерамзлен такилгаш даьхкар.
Керда тӏий дерригача дӏадехарашта жоп луш да, дукха мухь ловш а хургда. Из деррига де таро хилар, «Вахара хьалаш» яха къаман проект хилар бахьан долаш, из чӏоагӏа лоархӏаме я мехка: цо таро лу дукхача хана денз теркал ца еш лаьтта моттигаш массайолча оагӏорахьара тоае», - аьлар цу тӏахьожама доакъашхо волча Цӏолой Ахьмада.
