ГӏалгӀай мехка дийцар, цӀий дӀадалар тоадара хьакъехьа
Магасе дӀайихьар «Цӏий а тӀехка тӀум а, шоаш раьза болаш, дӀаялара хьал тоадеча юкъарлоно дакъа лацара хьакъехьа йола конференци», - аьлар «Сердало» газетага «ЦаӀ йолча Россе» зарбан болх лелабераша.
Конференце доакъашхой хьежар республике цӀий дӀадалара гӀулакх дегӀадоалара хаттарашка. Белгалдир, шоай лоӀаме а болаш, цӀий а иштта тӀехка тӀум а дӀаялара гӀулакх тӀехьарча шерашка дика дегӀадоагӀаш хилар. Иштта лоалахарча республикашка цӀий дӀадалара хьал дегӀадоаладара хаттараш а техкар: мичахьа, малагӀча даькъ тӀа из болх дикагӀа латт.
Кхетачен доакъашхочо «ЦаӀ йолча Россе» парте моттигерча комитета кулгалхочо Кхоартой ИбрахӀима къамаьл дир цига.
«ЦаӀ йолча Россе» моттигерча отделене даим дика дакъа лоац, цӀий дӀадалара декхараш кхоачашдеча. Оаха тайп-тайпара кхетаченаш ю, цига партийцаш тӀахьехаш, хьинар долча нахагара депутаташка кхаччалца», - аьлар Кхоартой ИбрахӀима.
«Дикача наьха клуба» ганзо вӀашагӀъелла конференци, из хаттар юкъарлоно хьаллацара лаьрхӀа яр. Иштта цу лоархӀамеча моттиге паччахьалкхен, юкъарлон болхлой шоайла бувзам лелабара тӀахьийхар.
