Къахьегама бокъонаш лораярах, вахара оагӏонцарча бувзама хӏама хьаллацарах дийцар мехка
Россе профсоюзий Федераце кулгалхочун гӏонча волча Шершуков Александраца кхетаче дӏахьош хилар мехкара премьер-министр Сластенин Владимир. Иштта цига дакъа лоацаш хилар республикерча профсоюзий оагӏон хьалха латта Оздой Хади.
«Шершуков Александр вай мехка кхачар «Гӏалгӏай республикерча профсоюзий цхьанкхетара» тахан дӏахьош йолча Х конференце дакъа лацарца дувзаденна да. Профсоюзий кхетаченга кийчо ярах хьоахадир гулбеннараша. Къаьстта терко йир республикан Паччахьалкхено мехкарча профсоюзий оагӏонца бувзам лоаттабарах», - дийцар «Сердалога» мехкарча Паччахьалкхено.
Тха газетага баьча хоамах, дӏахо болх дӏахьош, къахьегамах йола бокъонаш лораяра тӏахьожам лоаттабарах, вахара оагӏонца дувзаденнарашта терко ярах, дийцар кхетаче. Вӏаший бувзам лоаттабеш, лоархӏаме дола декхараш кхоачашдара тӏехьа къахьега лаьрхӏар гулбеннараша.
