СВО лозабаьча ветеранашта, цӏеннах гӏо деш ба мехка
Илдарха-Гӏалий тӏа шоай болх дӏабахьа арабаьлар, «Даьхен лорабой» яхача ганза мехкарча филиала болхлой. Тӏема аренашка геттара лозабаь бола ветеранаш болча баха хилар ганза болхлой Чиймарзанаькъан Марем, психолог Погоранаькъан Райшат, шахьара администраце цу оагӏонцара болхло Евкуранаькъан Микаил.
«Тӏема аренашка лозаварах дегӏа маьженаш болх беш йоаца СВО ветеран Шоанахой Руслан, вахар хаьдача бӏухочун цӏен - нана Чопанаькъан Роза, лозаварах ког боацаш виса, тахан госпитале уллача бӏухочун цӏен-нана Чуранаькъан Радимхан йолча баха хилар уж.
Халача хьале эттача бӏухой цӏагӏара хьал миштад, тахан царна, цар дезалашта малагӏа новкъостал эш тахкар болхлоша», - йоах «Сердалога» «Даьхен лорабой» яхача ганзера бенача хоамо.
Белгалде деза, из болх цар массахана дӏакхухьаш болга. Тӏема аренашка доккха айп хинна цӏабаьхкача бӏухой хьал ма хулла аттачахьа даккхар лоархӏамеча декхарех да. Цхьаннена лорашка чакхвалар эшаш хул, шоллагӏчунна - психологически гӏо, хӏаьта кхыбарашта - вахарера, юридически оагӏонцара кхоачамбоацараш меттадоаладар. Хӏаране гӏулакхага гӏолла къаьстта тохкам бе безаш хул.
