Туризмах толашагӏа йола 11 проект хержар мехка
«Туризми хьаьша тӏаэцари» яхача къаман проектага гӏолла, Цаӏ дола пособи доагӏаш барий яхьашка котбаьннараш белгалбир мехка. Чуденнача 25 дехарах 15 оагӏонцара балхаш дар хьахержараш, хӏаьта толашагӏа я аьнна хьахержараш 11 проект яр. Туристически моттигаш тоае, йоккхий культуран оагӏонцара кхетаченаш дӏаяхьа ахча лургда проектий авторашта.
«Яхьий кхела юкъе бар республикерча Паччахьалкхен; культурах, туризмах йолча министерствон болхлой. Массайолча оагӏонца дувзаденнараш теркалдеш, дӏабихьар цар хоржама болх. Яхьашка чакхцабаьннарашта хьалхадаьккхар, шоай проекташ дикка тоаеш, комиссе белгалдаь гӏалаташ теркалдеш къахьийге, тӏадоагӏача шерарча яхьашка уж кийчъе, аьнна», - дийцар «Сердалога» цу моттигера.
Таханарча проекташка гӏолла, туристически оагӏонца дувзаденнараш дикка тоадеш къахьега аьттув ба вай. Лерттӏа тоаяь моттигаш, боаггӏача боараме салаӏа аьттув хиларо вай мехка дукхагӏа хьаьший тӏаозаргба. Цунга хьежжа, Россе тайп-тайпарча миӏингашкара, иштта кхыча мехкашкара адам тӏалатташ, туристашта езаенна моттиг хургья вайчох.
