Гӏалгӏай мехка кхел йир, ондаргага сагӏа дехийташ хиннача 22 шу даьннача йоӏа
Гӏалгӏай мехка кхел йир Шолже яхача 22 шу даьннача йоӏа, из бехке ю ондаргага сагӏа дехийташ хиларах, ӏаьдала болхлошта духьала ца доагӏа къамаьл дарах (РФ УК 1 д.151 ст., иштта 319 ст.). Шолжа кхале гӏолла йолча Россе СК республикан Урхаллен тохкама отдела болхлоша кийчдаь цун кхел яра дола тешал кхоачам болаш хилар.
«Тохкамхочо, судо чӏоагӏдир из саг хьалха административни бехктокхаме эза хилар РФ КоАП 1 д. 5.35 ст., цо ший зӏамига воша сагӏа деха аравалийтарах, нахагара ахчаш дехаш из лелаварах. Цул совгӏа, 2026 шера аьтинга бетта Шолжерча базар тӏа йолаш, цо наха хьалхашка ца доагӏа во къамаьл дир ший болх дӏахьош волча Россе МВД «Сунженский» МО болхлочунга», - аьлар «Сердало» газетага Гӏалгӏайчен тохкама комитете.
Материалашка хьежачул тӏехьагӏа, судо лаьрхӏар цунна йоагӏа кхел е. Цо цхьа шу-ах шу ха йоаккхаргья ӏаьдало тӏахьожам лоаттабеш, цунна елар т1ахьожам бергболаш цхьа шу ха. Цу юкъа цо хьагойта деза ше хувцаенна хилар, иштта ца хуле, из ха набахта яккха езаргья цун. Цул совгӏа, судо 25 эзар сом гӏод техар цунна, тӏехьар тӏа боагӏа бехк-Iоткъам беш.
