Бокъо йоацаш Россе доазон тӏа ӏеш хилар вӏаштӏехьдоаккхаш хиннар, ӏаьдало бехктокхаме эзар
Россе доазон тӏа бокъо йоацаш ӏеш хилара гӏулакх вӏаштӏехьдоаккхаш хинна 27 шу даьнна арахьара хьачувена саг бехктокхаме озаш ба Магасски суде. РФ УК 1-ча даькъа 322.1 ст. бехктокхаме озаргва из кхыболча мигранташта Россе доазон тӏа бокъо йоацаш баха новкъостал деш хиларах. Мехкарча Россе ФСБ доазув лорадеча оагӏон болхлой ба из гӏулакх тохкаш хиннараш.
«Судо белгалдечох, 2025-ча шера Магасе цунца квартире бахаш хиннача шин гаргарча сага РФ баха бокъо луш йола ха – 90 ди чакхдаьнна хиннад, мехкара арабовла безам боацаш ӏеш хиннаб уж, хӏаьта цо эшаш мел долча хӏаманца гӏо деш хиннад царна. Цу оагӏонцара болх дӏабахьа арабаьннача ӏаьдала болхлошта 2026-ча шера саькура бетта гучабаьлар уж», - йоах «Сердалога» кхаьчача хоамо. Цу сага леладеш зӏамига бераш хилар теркаме лоацаш, ши шу суд йирр цун ӏаьдало, цӏагӏа такха езаш, иштта цхьан шера Iаьдало тӏахьожам беш а хургва из.
