Набахтара мукъаваьннача вахархочунна, лорашка чакхвала аьнна тӏадиллар
08.04.2026 10:23
Илдарха-Гӏалий тӏарча прокурора лоткъамах, лорашка чакхвала аьнна тӏадиллар набахта ха яьккха цӏавенача вахархочунна. Из хоам «Сердалога» бир ӏаьдала болхлоша.
«Оттаяь латтача бокъонах, набахта лаьца ваьллачара цӏавена саг шера шозза воалаш, шин шера лорашта дӏатӏаухаш чакхвувла везаш ва, дегӏаца кхайкор яха лазар дий хьожаш. Цу лазара белгало дегӏаца еце а чакхвувла везаш ва лаьца ваьлла саг.
Шахьара прокуратуран болхлошта гучадаьлар, 2024-ча шера лаьца ваьллачара цӏавена вахархо чакх ца воалаш лелилга», - йоах тхога бенача хоамо.
Шахьара прокурора чубеннача лоткъамах судо чакхвала оттаваьв из саг.
Белгалде деза, ханнахьа боаггӏача боараме чакхваларо лазараш ца даржийтара тӏехьа боккха пайда белга, из кхетадеш хила беза тахан бахархой.
