СВО бӏухой даьна дарба де новкъостал дир
21.04.2026 15:53
«Даьхен лорабой» ганза гӏалгӏай филиало новкъостал дир лаьрххӏача тӏема операце доакъашхой даьна ӏарчакханаькъан Исмейлхана шахьара дарбанче могашал тоае, яхаш, дийцар «Сердало» газетага гӏо даьраша.
«ӏарчакханаькъан Исмейлхана, цун дехарах, мах боацаш лорашка чакхвала новкъостал дир. Из могашал яйна хилара латкъаш вар. Из хаттар кхоачашдеш, Коазой Хьамид бувзаме ваьлар Магӏалбика кхален дарбанчен кулгалхошца, цунна сиха дарба дергдолаш.
Из чакхваьккхачул тӏехьагӏа, лорашта гуш хилар цӏенхашта лазар цунна долга. Хӏанз операци е кийчвеш ва из», - аьлар хоамо.
Тхоца къамаьл даьчо яхачох, ӏаддал-Мажита Исмейлхана къонгех цаӏ тӏема ветеран ва, шоллагӏвар вай мохк лорабеш хьалхарча мугӏарашка латт.
