Дешара министерствонна кулгал деш хинна Татенаькъан Лейла белгалйир республике
ГIалгIай паччахьалкхен 100 шу дизарах йола майдилг елар дешара гIулакхех йолча Министерствон хьалхалаьттача Татенаькъан АртагIа Лейлайна. Вай Мехкадас тIадилла, из йолча ваха хилар министерствон таханара кулгалхо Цхьорой Ахьмад-Башир.
Министерствонна кулгал деш, дерригаш ши шу мара даьккхадац Лейлас. 1993-ча шергара 1995-ча шерга кхаччалца, баьб цо из болх.
Цу мотте дукха ха яьккхаеце а, дукха дикаш кхоачашде аьттув баьлар цун. Лейлас къахьегаш, хьакхеллар вай мехка дешара гIулакхех йола бокъо, республикера дешара хьал тоадеш йола моттигаш, «ГIалгIай республикерча дешара гIулакха юкъе белгалваьннар», «Дешара гIулакха цIихеза болхло» яха еза цIераш.
Цо кулгал деча шерашка хьайийллар паччахьалкхен университет, дешара оагIонца къахьегарий говзал лакхъеш йола институт, Iилма- тохкама институт, Кердача Редантера ПТУ.
Къаьстта цо кулгал деш хьакхеллар вай мехка хьалхара олимпиадаш, кхетаченаш, гойтамаш, конференцеш», - белгалдир министерстве.
