Гурахьа дӀадийна кӀа чуэцаш латт
28.07.2025 11:40
Ӏан кӀалха додаш дола кӀа чуэцаш, къахьегаш ба вай мехкара цу оагӀонцара болхлой. Толам болаш дӀахьош латт из болх «Магас» ГУПо. Ӏан кӀалха додача ялата лаьрхӀа укхаза хьакъоастадаьр 200 гектар лаьтта дар, хӀаьта дукхагӀа йолча моттигера болх чакхбаьннаб. 70 гектара тӀара ялат чуэца дезаш бисаб цига.
«Укх шера цхьан гектара тӀара 40 центнер кӀа да чуэцаш латтар, соахка хинначунга хьежача, 10 центнер дукхагӀа да из. ДикагӀа дола ги дар оаха дӀадийнар, цунга хьежжа беркат а, Даьла къахетамца, дикагӀа да», - белгалдир «Магас» ГУПа керттера агроном волча Дибаранаькъан Бек-Хана.
