Пхиъ е дукхагӏа бераш долча 8 984 наьна пенсе боарам къоастабеш, болх дӏабихьар мехка
Пхиъ е дукхагӏа бераш долча 8 984 наьна пенсе боарам къоастабеш, болх дӏабихьар вай мехкарча пенсионни Ганза оагӏоно.
«2026-гӏа шу долалуча хана, бокъон юкъедоаладаьча хувцамашка гӏолла дӏахьош ба тахан из болх. Хьалхагӏа диъ берага хьожаш хинна ха мара юкъейодацар стажа, ялх шерал лакхагӏа а бацар боарам. Таханарча хувцамашка хьежача, пхиъ, ялх, дӏахо кхы а берашка хьожаш хинна ха стажа юкъейодаш я. Из деррига хӏама юха хувцаш дола дехар мехкарча СФР чудала деза», - йоах тхога бенача хоамо.
«Пенсецара хӏама къоастаде дехар чудала йиш я Госуслуги яхача портале е СФР моттиге. Пенсе баха ха кхаьча боацача дукха бераш долча ноаной дехар чудала дезац. Деррига берашка хьожаш хинна ха пенси хьаоттадеча хана юкъехьоргья», - аьлар мехкарча СФР оагӏон кулгал деча Йовлой Зубейра.
