Гӏалгӏайче лаьрхӏад 2028 шера ТКО чакхйоаха моттиг хьалъе
Магӏалбика кхален Йоккхача Ачалкхе коммунальни даькъ тӏа совъяьнна чӏоагӏа нувхаш чакхъяха, лаьттах йохка, къоастае моттиг хьалъяра болх дӏахьош ба. Из проект кхоачашъеш я «Пайда бара» яхача федеральни проекта чуйоагӏаш.
«Карарча хана из проект паччахьалкхен кхелах чакхъяла езаш я. Цунга хьежад федеральни боахамаш - юххьанца цун мах лакха бар, 4,9 млрд сом. Дикка техкачул тӏехьагӏа, тӏехьара тӏа дола хьалаш дӏадаьхар, керттердараш мара ца дуташ, тӏаккха бюджета хулаш бола низ лаьгӏбелар. Чӏоагӏдаьд кердадаьккха дола наькъа карта, цаӏ вола проект оттаер, юкъарлонца цхьана къамаьлаш хиннад цу хьакъехьа. Аргӏанара дакъа- паччахьалкхен кхел хьажар. Цунца цхьана кердайоаккхаргья нувхашцара доазон схема. Цунга хьежабац 2019-ча шера денз, цу юкъа из хьал дикка хувцаденнад», - аьлар Гӏалгӏайчен Кулгалхочо Келматанаькъан Махьмуд-Ӏаьлас ший телеграм-оагӏон тӏа.
Йоккхача Ачалкхе ТКО чакхъяхара, дӏаяхьара, къоастаяра гӏишло хьалъяро гонахьара ӏалам а цӏендергда. Проекта керттера маӏан - республикан юрташкара экологический хьал тоадар.
Из гӏишло хьалъе лаьрхӏад федеральни бюджетера луш долча ахчах. Предприяти болх бе йолалургья 2028 шера оагӏой бетта. Из лаьрхӏа я Гӏалгӏайчен тахан а дӏахо йодача хана а экологе хьал тоадара.
