Гӏалгӏай мехка автомобила чархашта кӏалъяхар, ага чу дагӏа зӏамига бер шийца дола кхалсаг
Гӏалгӏайчен полице болхлоша тохкаш да ДТП нийсъялара дола хьал, из нийсделар ардара бетта 22-ча дийнахьа «Даькъасте» оалача федеральни наькъа 572-ча километра тӏа. Водитель вар Volkswagen Polo машинаца. Цу хана ага чу дагӏаш шу даьнна бер а долаш, сердал йоацача, наькъал дехьаяла бокъо йоацача моттиге нийсъелар из, яхаш, дийцар «Сердало» газетага Гӏалгӏайче гӏолла йолча Россе МВД зарбан болх лелабераша.
Цига сиха хьакхаьчар наькъа тӏахьожам лоаттабу полице болхлой, сихача тохкама полице тоаба.
Цига яьча човнах бер делар. Кхалсаг дийна йисар дегӏа тайп-тайпара човнаш хинна. Сихача новкъостала лораша из дарбанче дӏайигар.
Иномарка тӏа ваьгӏар ва 24 шу даьнна моттигера вахархо. Цунга машина лелаяра бокъо луш дола каьхаташ дар. Карарча хана нийсденнар тохкаш, дӏахо из болх дӏахьош ба.
