Наьха машин йигар суда хьалхашка жоп дала дезаш ва
Наьха машин лочкъаяь, Шолжа кхалера 17 шу даьнна вахархо суда духьалъоттаргва. Республикера Тохкама комитета болхлой из гӏулакх ма дарра тохкаш хиннаб.
«Тохкама оагӏон болхлоша тахан белгалдечох, 2026-ча шера ахкан хьалхарча бетта Шолжа-Шахьарерча Хьоашаланаькъан цӏерах болча ураме чухьнахьа дӏоагӏаш доахкаш лаьтта машин йигай цу сага, ший новкъостаца. Шахьаре, Илдарха-Гӏалий тӏа, Шолжа-Шахьара, кхален моттигашка дог ӏаббалца хийхкачул тӏехьагӏа, ше юххьанца лаьттача моттига гаьна йоацаш ӏооттаяьй цар наьха машин. Тохкамхоша боккха болх дӏабихьаб, из гӏулакх ма дарра тохкаш. Тахан судага дӏакхаьчад из гӏулакх», - дийцар «Сердалога» мехкарча Тохкама оагӏон болхлоша.
Тха газетага бенача хоамах, цунца хинна шоллагӏвар ше леладер ма дарра кхетаде ди долаш цахиларах, дарба де дӏахьожавергва судо. Суда-психиатрически экспертиза яьккхача гучадаьлар цун психически хьал дарба эшаш долга, из бахьан долаш суде дакъа лоацаш хургвац из.
