«Зизай цӀай» яхача яхье котбаьннараш белгалбир мехка
Мехкадас могаяь «Зизай цӀай» яха яхь чакхъяьлар, тӀахьожам беш хиннараша котбаьннарий цӀераш хьакхайкайир. Из хоам «Сердалога» бир республикан паччахьалкхен зарбан болх лелабераша.
Укх шера цу яхьашка дакъа лоацаш 92 саг хилар. ДӀадахача шера хиннараш хьаийцача, 30 саг дукхагӀа вар укх шера. Цу гӀулакхо хьагойт, уж яхьаш вай мехкахошта юкъе дикка яржаш латтилга. Ший ковна куц тоадар дега тоам беш хиларал совгӀа, дикка пайда беш а да тахан.
«Деррига теркалдеш дӀадихьар хоржамаш тӀахьожама болхлоша. Хьалхара моттиг кхаьчар Саганаькъан Раисайна. 300 эзар сом ахча делар цун зизашцарча безамах, шоллагӀча моттиге хиннача Тоачанаькъан Мадинас 200 эзар сом ийцар, кхоалагӀа моттиг кхаьчар Хьаштаранаькъан Жанеттайна. 150 эзар сом кхаьчар цунна»,- дийцар мехка кабмино.
Белгалде деза, котбаьннараш берригаш а Наьсарера болга.
