Гӏалгӏай мехка хьежа баьлар «Фаьлг» яхача оазаш дӏаязъяра Къаман студе проектага
Гӏалгӏай мехка дийцар «Фаьлг» яхача оазаш дӏаязъяра къаман студе проектах. Из хьакхеллай гӏалгӏай мотт дукхагӏа лебара, берашта халкъа фаьлгаш юкъедахара. Балха чаккхе еш белгалдир, дӏаязбаь 20 аудио фаьлг, тӏехьа къамаьл доаца цхьа фильм хилар. Цига дакъа лоацаш говзанчаш а, бераш а да, из бахьан долаш балхаш безамегӏа де таро хилар ладувгӏача наха.
«Республикан дешара Министерсвос новкъостал а деш, хӏанз дӏахьош йолча ахкан салаӏара йолча программанна юкъедаьхар царех цхьадола балхаш. Из проект кхоачашъеш хиннача юкъа 7,5 эзар бера яйзар, уж дар ерригача республикера бераш. Цу тайпара болх вӏашагӏболлар бахьан долаш, таро хул гӏалгӏай мотт лорабе, кхувш йоагӏача тӏехьенна къаман ӏадаташ довзийта, культуран тӏехьале царга кхачийта.
Хӏаьта цу тайпара лоаца фильмаш берашта дукха деза», - аьлар «Сердало» газетага Гӏалгӏайчен кагирхой Комитете.
Белгалду, из проект вахара юкъеяьккхар я Гӏалгӏайчен «Исхан» яха дикача гӏулакхий ганз, цунна елар Президента оагӏорахьара грант, цо ший аргӏагӏа таро елар дӏайолаяь проект кхоачашъе.
