Хьунаш лораяра тӀехьа, укх шера дӀабихьача балхах дийцар мехка
![Хьунаш лораяра тӀехьа, укх шера дӀабихьача балхах дийцар мехка](http://serdalo.ru/storage/beK243875hSyJBRg3j2kKzp2qZeeKU7FLAv7gNc6.jpg)
Вай мехкара хьунаш лораяра тӀехьа, боккха болх дӀабихьаб Ӏалама гӀулакхех йолча министерствос, ер шу доладелча денз.
«Сердало» газетага из хоам бир Мехкадаь зарбан болх лелабераша.
«18 км кхоачаш хьун наькъаш тоадаьд, цӀерцара кхерамзле лорае 58 км оасаш даьхад, салаӀа 5 моттиг тоаяьй, цӀи йоае хий кхахьа моттигаш Ӏалашъяьй. «Хьунаш лорае» яхача паччахьалкхен программага гӀолла, «Экологи» яхача къаман проектага гӀолла 26 гектара тӀа гаьнаш дӀаегӀай. Хьун хьал меттаоттадеш, шера кхоачашде оттадаьча гӀулакхашца бувзабенна 67,5% болх чакхбаьккхаб мехка», - йоах тхога бенача хоамо.
Хьун хьал меттаоттадеш къахьегарал совгӀа, бокъо йоацаш хьунагӀара гаьнаш тедара духьала боккха болх дӀакхухь Ӏалама гӀулакхех йолча министерствос.