Интернета оагӏонга гӏолла телефонашца кхостабаь тийшаболх гучабаьккхар вай мехкарча МВД
Мехкарча вахархочун боккха тийшаболх хиннача гӏулакха ларах тохкама болх дӏахьош яр полици. Дикка къахьийгача МВД болхлой аьттув баьлар зуламхо хьалаха, цунга дари дайта.
«Сердалога» Россе вай республикерча МВД бенача хоамах, РФ УК 3-ча даькъа 159 ст. (боккхача боарамах тийшаболх кхостабар) гӏулакх хьадийллар цу сага духьала, 2025-ча шера оагӏой бетта 26-ча дийнахьа.
Тохкама болх дӏаболабир 265 эзар сом ахчанна зуламхоша ӏехаваьча мехкахочо чуденнача дехарах. Телефонаш йохкаш ва ше, аьнна, цунгара ахча даьккха; вайна дӏаваьннав зуламхо.
Цу гӏулакха ларах болх дӏахьош бола Россе вай мехкарча МВД болхлой Магасерча полице оагӏон викалашца Селий мехка бахар, цига дари дир зуламхочо. Ставрополе вахаш вола саг вар из зулам леладаьр. Кӏалхарвоалилг доацилга кхетадаь, зуламхо ше хьатӏавера ӏаьдала.
