Полицена коравир, бирже болх лургба, аьнна, хӏилли йийца саг
ГӏалгӀай мехкарча бокъонаш лораерашта коравир, болх лохаргба, яхаш, нах Ӏехабеш вола саг. Из хоам «Сердало» газетага бир МВД.
«Россе МВД «Сунженский» МО Тохкама даькъо хьадийллар РФ УК 3 д. 159 ст. зулам дарца, моттигера вахархо Ӏехаварца дувзаденна дола гӏулакх. Массанахьа лелаш долча бувзамашкарча электронни бирже онлайн-болх лохаргба USDT криптовалюта дохкаш бола, яхача хоамах Ӏехавенна, вахархочо дӀадахьийтар «брокера» 300 эзар сом», - аьлар хоамо.
Массаза цу тайпара нийслуш долча хьалах тарра, ше ахча хьаийца ваьлча, болх хулийтаргба яьха саг кхы гучаваланзар. Цу зуламо цӀаькха а хьагойт, биржашцара хӀама шоай бизнеса леладеш хилар тешаме доацаш хилар.
Цу гӀулакхаца бувзабенна ший болх дӀахьош, Россе МВД «Сунженский» МО полице даькъ тӀарча викала, цу сагагара ший бехк тӀаэцаш хиларах дола каьхат хьаийцар.
