Ялат чуэцаш латт вай мехка
22.07.2024 11:38
Республикера ахархой, ялат чуэца болабенна, къахьегаш боахк. Ӏан лаьрхӀа дӀаоттадеш дола ялат да, карарча хана чуэцаш латтар.
Геттара гӀадвугаш да из гӀулакх ГӀажарий-Юрта.
«1200 гектара тӀара мукх чуэца безаш ба укхаза болхлой. Сатийсар кхоачашхиннад ала мегаргдолаш да, Даьла къахетамца. Цхьан гектара тӀара 25-30 центнер ялат чуэцаш латт. Белгалде деза, укх шера вай мехка кӀаи хьоари 1,5 дукхагӀа дӀа-хьа дахьийта лаьрхӀалга», - йоах тхогарча хоамо.
