Берий хьал меттаоттадарах йолча моттига доакъашхошта гӏо деш ба мехка
Барайтта шерга кхачанза долча берий хьал меттаоттадарах йолча моттига доакъашхошта гӏо лоаттадеш ба мехка. Цига яха хилар берий бокъонех йола викал Чахкенаькъан Зарема.
«Халача хьале кхаьчача берашта новкъостал деш йола моттиг я из, цунга хьежжа ӏаьдала болхлоша боккха тӏахьожам лоаттабу цига. Цу моттиге ӏеш долча хӏара бера вахарера моттиг, хьал дайзача, малагӏча оагӏонца болх дӏабахьа беза, сихагӏа уж шоай цӏенах кхетаргдолаш кхоачашде дезараш малагӏаш да ховш хул», - дийцар тха газетага.
«Цу оагӏонцарча болхлоша цхьана, боаггӏача боараме дӏабахьа безаш лоархӏаме болх ба из. Бера гӏулакхага хьажар, цун хьал аттачахьа даккхар лакха терко е езарех да. Бераш ма хулла сихагӏа шоай цӏенах кхетаргдолаш тхоашта могар деш да тхо тахан»,- аьлар Чахкенаькъан Заремас.
