Гӏалгӏай мехка новкъостал ду тӏема даькъ тӏа де доацаш вейнача Хьакхенаькъан бӏухочун даьшта
08.04.2026 16:26
«Даьхен лорабой» ганза филило новкъостал ду, де доацаш вейнача бӏухочун даьшта, яхаш, дийцар цигара «Сердало» газетага.
«Вахарца бувзабенна болх лелабеча Коазой Хьамида новкъосталца, лаьрххӏача операце доакъашхочун да Хьакхенаькъан Мухьмад Сурхо тӏарча ветераний Цӏагӏа дарба де вахийтара каьхаташ лоаццача хана гулдир. Карарча хана из ва могашал тоае езаш лорий урхаллене, цудухьа гаьна ваха ца везаш, из вӏаштӏехьдоаккхаш цунна новкъостал ду ганза болхлоша», - аьлар тхога хоам баьчо.
«Цу тайпарча хьалашка лоархӏаме да кхайкарал даьд аьнна ца а ӏеш, эшача цу дезала уллув хилар, хьалхашка нийслуш дола хаттараш кхоачашдар», - аьлар «Даьхен лорабой» ганза вахарца бувзабенна болх лелабеча Коазой Хьамида.
