Юридически оагIонца дувзаденнараш доашхаш, гIо ду СВО доакъашхошта
СВО ветеранашта, мах боацаш, юридически оагIонцара гIо лоаттадергдолаш; къахьегаш ба «Даьхен лорабой» яхача ганза мехкарча филиала болхлой. Тахан вахарера цхьацца гIулакхаш тоадара тIехьа, цу наха чIоагIа лоархIаме да из гIулакх деш моттиг хилар.
«Ер шу доладелча денз, «Даьхен лорабой» яхача ганза мехкарча филиалага гIолла, цхьацца юридически оагIонцара хаттараш доашхаш хиннараш 50 совгIа ветеран, иштта тIема аренашка вахар хаьдача бIухой цIагIара нах ба. Прокурораш, Госбюрон юристаш, Адвокатий палатан болхлой, Нотариальни палата юкъе йолаш, дIакхихьар кхетаченаш», - йоах «Сердалога» бенача хоамо.
БIухошта тахан шоай вахарера цхьацца гIулакхаш меттадоаладара тIехьа эшаш да из. ТIема моттигий ветеран хилара тешал деш дола каьхат хьаэца; федеральни, региональни оагIонцара хьадоагIаш дола хIама хьаэца; Iаьдало оттадаь ахча хьаэца гIо ду бIухошта. Цу оагIонцарча болхлоша хьалхадоаккх царна тIалатта кредитах дола декхар тIера мишта дIадаккха йиш я, иштта лаьттан доазув луш, ЖКХ субсиди хьахьожадеш, малагIа каьхаташ кийчде деза, сенгара дIаволавала веза.
