Де доацаш байнарашта юкъе волча Янданаькъан Мухьмад-Тӏахӏира дезала гӏо дир мехка
Тӏема аренашка де доацаш байнарашта юкъе волча Янданаькъан Мухьмад-Тӏахӏира дезала гӏо дир «Даьхен лорабой» яхача ганза болхлоша.
«Шоай воӏах фу хиннад ца ховш, гӏайгӏа еш, халача хьале эттарашца къамаьл хилар ганза болхло волча Коазой Хьамида. ӏаьдалгара хьадоагӏаш дола ахча хьаэцаш, иштта кхыдолча гӏулакхашца малагӏа болх дӏабахьа беза хьалхадаьккхар цо», - дийцар тха газетага. «Шоай къонгаш могаш, маьрша болаш цӏенах кхетарга сатувсаш, саготдеш болча нахацара болх къаьстта йоккха терко еш дӏабахьа беза.
Паччахьалкхе, иштта «Даьхен лорабой» яха ганз массахана уллув хургйолга, эшаш долча хӏаман тӏехьа гӏо де кийча йолга царна дӏахайтар да тха керттера декхар. Психологически, иштта кхыболча оагӏонцара новкъостал лоаттаде деза цу наха массахана», - белгалдир Коазой Хьамида.
