ГӀалгӀай къаман
юкъара газет

Новости


Республике новкъостал дир, заӏапхо  долча бера нанна доагӏа ахча меттаоттаде

Республике новкъостал дир, заӏапхо  долча бера нанна доагӏа ахча меттаоттаде

Гӏалгӏайчен сага бокъонех волча викала новкъостал дезаш ера юртарча ишкола хьехархо, из заӏапхо дола бер кхоабаш я. Цу  кхалсага белгалдир, из бер даьча дийнахьа денз, бӏарчча ди дӏадахьа дезаш боаца болх беш хьайоагӏа ше, аьнна, хӏаьта цо таро лора цунна бокъонах доагӏаш дола хӏара беттара пособи ийде. Бакъда карарча шера из ахча цӏаьхха соцадир. Цул тӏехьагӏарча хоамо белгалдир, Россе Вахара ганза хоамий базе, из бӏарчча балха алапи ийдеш санна чакхъяьнна хилар. Цул тӏехьагӏа цу кхалсага СФР дӏаделар сиха, ше бӏарчча болх беш цахилара тешал деш дола балхара каьхат, бакъда цул тӏехьагӏа а цу боахамо из хаттар теркал ца деш дитар.

«Викала, из иштта дий ха дагахьа, хаттар дӏадахьийтар Россе Вахара ганзе. Цунга хьежачул тӏехьагӏа белагалдир, цу кхалсага лицевой чота тӏа, цо бӏарчча болх ца беш хиларах бола хоам боацилга. СФР цо юха чуденача каьхатах, из заӏапхо долча ший берага хьежаш хиларах доагӏа 11 563 сом карарча шера аьтинга беттагара денз юха хьадоладир. Аьтинга беттагара ардара беттага кхаччалца цунна доагӏаш дола ахча цун чота тӏа дӏахьожадир. Цу тайпара, хьа ца луш лаьтта ахча меттаоттадир», - аьлар «Сердало» газетага ГӏР УПЧ.

Юртарча ишкола хьехархочо баркал аьлар Гӏалгӏайчен сага бокъонаш лораеча викала, цун лакха балха говзал хиларах, цо иштта сиха оарцагӏваьнна ший бокъо меттаоттаярах.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх