ГӏалгӀай мехка новкъостал дергда, СВО веннача бӀухочун Муцолганаькъан Акрамана дезала
«Даьхен лорабой» ганза гӀалгӀай филиало новкъостал дергда лаьрххӀа йола тӀема операци дӀахьош веннача Муцолганаькъан Акрамана фусам-нанна, ялх бера.
«Вахара дешашка хьожаш йола Тиймарзанаькъан Луиза яха хилар бӀухочун гаргара нах болча. Говзанчас царна ма дарра хьалхадаьккхар вахарца дувзаденна гӀо дайта де дезар, иштта дийцар вахарера хаттараш, лорий Ӏалашо яр, эшаш дола каьхаташ дахар. Цу дезало кхайкарал даьдар вахара гӏонна ахча хьаэцара, фусам-да воацаш хиларах пенси хьожадарах новкъостал дехаш. Вахарцара болх лелабеча болхлочун новкъосталца, цу дезала таро хилар, тӀа да цахиларах луш дола пенси ийдара каьхаташ Ӏалашде, хӀаьта бӀухочун даьга дӀаделар веннача тӀема доакъашхочун доалахьара каьхаташ, уж эшаш да ахча хьадалара», - аьлар паччахьалкхен урхаллене.
Белгалду, Муцолганаькъан Ӏумара Акромана контракт язъяьяр Саратовски областе волаш, цун валар хилар тӀема мугӀарашка. Цо ше гойтар денал долаш, Даьхен визза воӀ волга. Цун Денала Орден елар (валарца).
