БоаггӀача боараме дӀабодаш ба, мехкарча ахархой болх
17.05.2024 09:40
Укх шерара ялат дӀадувш дола бӀаьстанара балхаш, боаггӀача боараме дӀахьош да. Цох лаьца дийцар юртбоахама гӀулакхех йолча Министерствон хьалха латтача Гаьгенаькъан Мухьмада, бӀаьстан балхашта хетаяьча кхетаче. Из хоам «Сердалога» бир министерствос.
«БӀаьстан балхаш дӀадахьа араяьккхар я 600 машин, царна тӀехьатувса гӀирс. Ӏан гурахьа дувча ялата къоастаяь моттиг 29,2 эзар гектарага кхоачаш я. Ялат дӀадувш, лаьтта тоадеш, тоха мел еза молха тохаш, тоадаьд оахамаш.
БӀаьстан хана дӀатоссаш долча гина къоастадаь доазув 42, 6 эзар гектар да. 73,6% оахамех таханарча дийнахьа дӀадийна даьннад 31,363 гектар. Оттаяьча ханага хьежжа, шоай болх дӀахьош ба юртбоахама къахьегамхой.
