ӏаьржа хий дена хиларах, гӏо дераша шоай болх чӏоагӏбаьб
ӏарчакханаькъан Саӏида кулгал деш болча «ВАЙЦХЬАНА» яхача оагӏон гӏо деш бараша шоай болх чӏоагӏбаьб тахан мехкарча моттигашка хий айденна болх хиларах. Из хоам «Сердалога» бир цу моттигера.
«Ца соцаш догӏаш латтарах? мехкарча цхьацца йолча моттигашкара хьал халача дийрзад. Урамашка, наьха ковнашка хий латт, иштта цӏеношка хий чудаьнна а моттигаш я. Кагирхой гӏулакхех йолча комитета доакъашхой бахархошта эшаш дола гӏо де, цу моттигашка дӏахьоча балха юкъе дакъа лаца кийча ба. Цу гӏулакха телефон дӏатоха йиш я укх номерах: 7 (937) 339-31-09. Гӏо деча тоабах дӏакхета безам барашта къаьстта чат вӏашагӏъеллай», - дийцар тхога.
«Халача хьале эттараша телефон хьатоха! Гӏо дечар штабе эшаш дола новкъостал де кийча ба», - белгалдир цу оагӏон кулгалхочун гӏонча волча ӏарчакханаькъан Саӏида.
