Кхерамзлен хьалаца дувзаденнараш чӏоагӏдеш ба мехка
02.06.2026 09:13
Терроризм яхача доккхача зулама духьала къовсам лоаттабеча комиссеца кхетаче дӏахьош хилар вай мехкада Келаматанаькъан Махьмуд-ӏаьла. Из хоам «Сердалога» бир мехкадаь зарбан болх лелабераша.
«Кхерамзле лораеча моттигий кулгалхошца, иштта кхыболча цу оагӏонцарча болхлошца мехкара хьал лорадарах, моллагӏча цӏаьхха нийсденнача хӏаман духьала кийча хиларах дийцар кхетаче», - белгалдир вай Мехкадас.
Мехкара къаьстта лоархӏаме йола моттигаш лораеш бола болх боаггӏача боараме хила беза, цу оагӏонца къахьегараш шоай декхараш дика довзаш, дизза кхочашдеш хилар чӏоагӏа лоархӏаме да.
Кхерамзлен хьал чӏоагӏдара тӏехьа кхоачашде дезараш белгалдир гулбеннараша.
