Бокъонаш лораераша моттигерча вахархочунгара автомат, поатронаш хьаяьхар
14.05.2026 14:15
Гӏалгӏай мехка гӏолла лаьрххӏа йола операци дӏахьош, хьалаьцар 28 шу даьнна Наьсарен кхален Сурхо тӏа ваха саг; бокъо йоацаш, герз леладеш хиннад цо. Цун цӏагӏара Калашникова автомат, 7,62 мм поатронех хьалйиза ехк корайир.
Эксперташа-криминалисташа техкар, из герз болх беш а, из кхосса йиш йолаш а хилар. Цу сага белгалдир, ший цӏагӏара хьалаьца герз, хьалхагӏа ший даь хиннилга», - аьлар «Сердало» газетага Гӏалгӏай Республике гӏолла йолча Россе МВД зарбан болх лелабераша.
Карарча хана бокъонаш лораераша дӏахо а тохкаш да из гӏулакх.
