Гирете маӏача наьха керта тӏа туллабу гӏирс корабир
Гирети яхача гӏалай юрта болх дӏахьош боахкача археологашта, тхьоврача хана вай къаман маӏача наха керта тӏа туллабаь гӏирс корабир. № 3 йолча малхарча каша иллаб из.
Чухьнахьара кӏада сомагӏа, чӏоагӏагӏа долаш хьабаьб из. Малагӏа кӏада да цига дӏадахийтар тохкаш ба тахан. Тӏехнахьара кӏаьдагӏа ба из, гуш да ма хулла хозагӏа хилийта гӏерташ цунца къахьийгалга. Тӏоговзанчий Ишколе белгалдечох, лаьрххӏа догам дуллаш баь болх ба из.
Эггара хьалхагӏа шоаш тӏадоахкаш дола гӏорчаш дахчан тӏа хьахоададийя, тӏаккха басар тохаш болх лелабаьб къаьнарча хана. Мора, сийрда-цӏе бесаш хиннад цунца.
«Тӏемахоша лелаеш хиннача кийна кӏалха туллаш хиннай кӏадах яь из кий. Кӏаьда хиларах, аьшкан кийна кӏалха лелаяьй из. Шоай гӏулакхаш деш тӏатуллаш, иштта цӏаьхха дов де отта везаш хуле цун лакхе аьшкан кий ӏотӏатуллаш хиннай гӏалашка баьхача маӏача наха», - дийцар тха газетага.
