ГӀалгӀайче юхатехар майнераш лелаярах дукха ток дӀаозаш дола хьал
«Къилбаседа Кавказа россетий»-«Ингушэнерго» говзанчаша, ГӀалгӀай Республике гӀолла йолча Россе ФСБ Урхалленца цхьана гучадаьхар ахчанца дувзаденнача таьрахьашца болх беш боарам боацаш дукха ток дӀаозаш дола кхоачамбоацараш.
Бокъонах доацаш из леладеш хилар ГӀазе-Коа, из зулам леладечо шийгара трансформаторо ток дукхагӀа хьаозаш бола гӀирс оттабир, ток мел йоаяьй хьагойташ йола счётчик а хийцай, шийна пайдана пайдане долча кхыча тайпара хургйолаш, яхаш, дийцар «Къилбаседа Кавказа россетий» зарбан болх лелабераша.
Дувцача гӀулакхо ток дӀаэзай къайлагӀа, из я йоккхача шахьаро дӀаозаш яр миссел. Хьежачул тӀехьагӀа 334 балха гӀирсаш дар бокъонах доацаш дӀахетта. Лоткъам оттабаьб, боарам боацаш, къайлагӀа 9,3 млн киловатт-сахьат ток дӀаэза хиларах, из ба Наьсарен-Шахьара даькъ тӀа ах бетта эшаш болча тока боарам. Компанена даь зе да 89,2 млн сом.
КъайлагӀа лелаеча ахчанца дувзаденна таьрахьаш лоархӀача гӀирсаша зе ду энергосистеманна, из дегӀаахара. КъайлагӀа балхаш леладераша тока саьргашта, трансформаторашта тӀехьара тӀа низ бу, иштта из бахьан долаш цӀи яла а авареш хила а тарлу. Цул совгӀа, йоагаеча токах дола ахча дӀалуш цахиларо цу моттига дегӀаяр а юхатох. «Къилбаседа Кавказа россеташа» дукха кхетаченаш ю ток къайлагӀа лелаергйоацаш, цу юкъе боарам бусташ дола балхаш, йоагаеча тока боарам хьагойташ дола гӀирсаш увттадеш, бокъо телхаеча тайпара дола хьал гучадоаккхаш бола болх дӀахьу.
ГӀалгӀайчен бахархошта хьалхадоаккх, цу тайпара хьал нийсделча, цох хоам беш хилар телефонага гӀолла, из хоам баь саг къайлавахьар тешаме да. Масала, 2025-ча шера, наджгоанцхой бетта 1-ча денгара 2030 шера тушола бетта 15-ча денга кхаччалца йолча хана, Россе Паччахьалкхено ахчанца дувзаденна доккхий таьрахьаш леладара болх соцабу мехка 10 моттиге, цу юкъе ГӀалгайче а йолаш, цудухьа бокъонах доацаш ток йоаеш хиларца къовсам лоаттабе беза.
