Гӏалгӏай мехка соцадир пенси хьежадеча моттиго бокъонаш телхаю гӏулакх
Гӏалгӏайчен сага бокъонех волча викалга леткъар Яндаре яха кхалсаг. Ше ха яха саг хиларца дувзаденна пенси ийдеш йолча цо ший бокъонаш толхаеш хиларах хоам бир. 2023 шера наджгоанцхой бетта денз цун пенси дикка ӏодаьккхад пенсионни ганзо. Цун бахьан хилар цо болх баьча моттигера цхьан юкъа хьаийдаь алапи тӏадола справка цахилар. Цар лехача бахьана раьза йоацаш, из кхалсаг леткъар судага, ший бокъонаш меттаоттаяр дехаш. Судо тӏаийцар, пенси телача моттиго бокъонах доацаш из гӏулакх кхестадаь хилар, цо из декхарийла оттайир хьалха хинна пенси юха хьадоладалийтара.
Бакъда, цу кхалсага викалга яхачох, судо баь соцам дукхача хана денз кхоачашбеш хиннабац: пенсена цкъара ӏотӏатехад ахча, хӏаьта перерасчёт кхоачам болаш яьяц. Сага бокъонех волча викала Россе Вахара ганзе тӏахьожама болх дӏабахьар дийхад.
Пенсионни бокъонаш меттаоттайир, СФР страховой пенси кердадаьккхар, 2023 шера наджгоанцхой бетта денз ше хьалхагӏа хиннача беса - 1993-1998 шерашка болх баь ха, алапий дӏа а лоархӏаш. Карарча хана цу кхалсага пенси да 25 546 сом. Хьа ца луш лаьтта пенси а хьаделар 170 141 сом», - аьлар ГӏР УПЧ хоамий даькъ тӏа.
Цу тайпара, цу кхалсага бокъонаш хьалха хиннача беса меттаоттайир, судо кхоачашдир цун дехар, пенси а юха хьадоладелар.
