Кхайкора духьала болх боаржабеш ба тахан мехка
Илдарха-Гӏалий тӏарча прокурора судага белгалдаьд, набахтара араваьнна саг лорашка чакхвала оттаве, аьнна. Из хоам «Срдалога» бир ӏаьдала болхлоша.
«Шахьарерча прокуратуре оттадир, кхайкор ца даржийтара тӏехьа, из лазар долаш, бакъда дарба де, чакхбовла ца тугаш лелараш гучабоахаш болх дӏахьо, аьнна», - йоах тхогарча хоамо. Бокъонга диллача, шера шозза из лазар дий хьожаш чакхбовла безаш ба набахта баьхка нах.
Лийцачара мукъабаьнначул тӏехьагӏа хьалхарча шин шера чакхбувла безаш ба уж. Хала лоархӏаш дола из лазар наха юкъе ца даржийта дӏахьош болх ба из. Шахьарерча прокуратура болхлошта гучаваьлар 2024-ча шера набахтара араваьнна, лорашка чакхвала ца тугаш лела вахархо. Прокурора суде цу гӏулакха лоткъам чубеннаб, из саг чакхвала оттаве, аьнна.
