ГӀалгӀай къаман
юкъара газет

Новости


«Диълагӏа даар - мерза маькх» яха болам хьаллаьцар вай мехка

«Диълагӏа даар - мерза маькх» яха болам хьаллаьцар вай мехка

Къамий цхьоагӏон Денца дувзадаь, «Диълагӏа даар - мерза маькх» яха болам хьаллоацаш  хилар «Даьхен лорбой» яхача ганза вай мехкара филиал, СВО доакъашхой дезалаш. Вахарера гӏулакхаш юстартеттá, цхьан истола гонахьа гулбелар тахан тӏема операцен ветеранаш, иштта цар дезалаш.

«Сердалога» бенача хоамах, цу кхетачен керттера кхача хинна истола тӏа оттайир йӏайха, дог хьоасташ хоза хьаж йоагӏа мерза маькхаш, иштта вай къаман даараш. Цхьана шун тӏа гулбеннараша дийцар дезалех, вӏаший оагӏув хьаллоацаш, гӏо деш хиларах, Россе къамашта юкъерча бувзамах.

Белгалде деза, иштта берригаш цхьана гулбенна, чаме долча даарех кхеташ, чай молаш дӏахьош йола кхетаченаш дог айдеш, вахарера цхьацца халонаш цхьан юкъа йицйолийташ хулилга. Тӏема ветеранашта, цар дезалашта тахан чӏоагӏа лоархӏаме да из. Барта, цхьоагӏон, доттагӏала кхетаче хилар ала йиш я цох.

Къамий цхьоагӏон Денна хетабаьча Ерригача Россе болама дакъа лоархӏаш я из проект. 2025-ча шера Россе тайп-тайпарча моттигашкарча эзараш болча россиянхоша хьаллаьцар из. «Хоамий оагӏонцарча кердадарий пхьоалле» яхача федеральни дешара программан доакъашхой ба цу йоккхача проекта хьалхалаттараш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх