ГӏалгӀайче дӀаболалургба йоккха мах бара даькъ тӀара гӀишло хьалъе
ГӏалгӀайчен кулгалхочо Келаматанаькъан Махьмуд-Ӏаьлас, Путин Владимирца къамаьл деш, дийцар, йоккха мах бара центр Wӏldberrӏes хьалъяра йола проект кхоачашъе дӀаболалуш хиларах. Цу тайпара гӏишло мехка хьалъяро таро лургья электронни мах бар дегӀадоаладе, иштта бӀаьш йола балха моттигаш хьакхолла.
Мехка Кулгалхочо белгалдир, республико инвестораш юкъебахара хьал кхолларах. Хӏанз эша Ӏалашо лоаттаяра йолча моттигий викалаш (энергетикаш, газ, бувзам лоаттабераш) юкъебоалаш ба, цу проектах лаьца хьалххе а дӀахьоча къамаьлага ладувгӏа. Цо таро лургья административни оагӀорахьара нийслуш дола чоалхане хьалаш лаьгӀде, ма хулла сихагӀа из болх дӀаболабара хаттараш кхоачашде, из лоархӀаме да мехка йоккхагӀа йола дохкархочоаи эцархочоаи юкъе латта моттиг болх бе йолаялийтара.
