«Лораергья хьу» яха болам дӀахьу вай мехка
Тахан вай республика дика дакъа лоацаш я «Лораергья хьу» яха ерригроссийски «Экологи» яха къаман проект кхоачашъяра дӀахьош болча боламе, из хетаяь я Сийлахь-боккхача Даьймехка тӀема ветераний сийна. Карарча шерара болам дӀаболабенна бӀарчча бутт а баьннабац, бакъда ГӀалгӀайчен доазон тӀа 3,5 гектар гаьнаш дӀаегӀай, яхаш, дийцар «Сердало» газетага ГӀалгӀай Республикан Ӏалама Министерствос.
200 совгӀа тайп-тайпарча фух йола гаьнаш дӀаегӀай Наьсарен кхален Яндарерча «Олимп» яхача берий лицея доазон тӀа. Иштта укх деношка Магасерча Барта ГӀалан юхе, ГӀалгӀай Республикан налогови федеральни гӀулакха болхлоша дакъа а лоацаш, 100 га дӀаегӀар.
«Укх шера экологаша лаьрхӀар цу юкъе хувцамаш дахьа, даим баьццара латта гаьнаш дӀа а егӀа. Уж шера моллагӀча заманга товш а баьццара бос болаш а латт, хоза хьадж хьа а йоагӀаш», - аьлар Ӏалам лорадара боахаме.
