Iаьлий-Юрт - СурхотIе яха никъ тоабеш латт
24.10.2024 09:25
Iаьлий-Юрт, СурхотIе хотташ бола 4 км никъ тоабеш боахк болхлой. Из хоам «Сердалога» бир Наьсарен кхален администраце.
2023-ча шера дIаболабаьб из болх. Цу хана 1 км никъ тоабе аьттув баьлар цар, хIаьта биса 3 км никъ хьатIабоагIача бетта 25-гIа ди хьахилале тоабаь йистебаккха безаш ба уж.
«Из никъ тоабе лаьрхIа дукха ха яр. Беррига никъ беха, машинашта хало еш, тоабе безача хьале кхаьча бар. «ГIалгIай республикера машиннаькъаш тоадар» яхача беркатеча программага гIолла дIахьош ба из болх тахан», - дийцар тха газетага.
