ДӀахьош ба культуран тӀехьален гӀишлош йовзара болх
«АСМ Группа» говзанчаша, ЖӀайрахьа-Эсо-ЧӀожен историко-архитектурни, Ӏалама музея болхлошца цхьана, ГӀалгӀай доазон тӀара культуран тӀехьален гӀишлош йовзара болх дӀахохьош ба.
Укх деношка, Меллер яхача юртарча гӀалашка хьожаш хилар уж. Из улл, ГӀалгӀайчен тӀавахара халагӀча чӀоже, яхаш, дийцар «Сердало» газетага ГӀалгӀай Республикан Паччахьалкхен зарбан болх лелабераша.
Из болх дӀахьош, гучаяьлар цаӀ тӀема, пхиъ ах тӀема, 13 нах баьха гӀалаш, иштта цига да 30 малхара каш, 50 чурт. Цул совгӀа, цига хиннай хьайра, кхертӀошта юкъера доагӀа хин тоатол.
ГӀалаш, кашамаш геттара чӀоагӀа хоарцадаьд»,-йоах хьабайтача хоамо.
Белгалдоаккх, культуран тӀехьале лораяра лаьрхӀа проект кхоачашъер «Сафмар», «Меттаоттадар» яха новкъостал лоаттаду ганзаш хилар.
