ГӀалгӀайче Кен яхача хи тӀагӀолла улла тӀий тоадеш да
29.10.2024 09:30
Наьсарен кхален Эккажкъонгий-Юртара Кен хи тӀагӀолла тилла тӀий тоадеш латт. Укх деношка цига ваха хилар ГӀалгӀай Республикан машена наькъий министр Хаматхананаькъан Батыр, ший боахама говзанчашца цхьана.
Укхаза, хӀанз укх сахьате, чуйотташ я бетон, цу моттиге дийцар балха хьал а.
«Из тӀий тоадаь хилар лоархӀаме да, вай бахархошта ца хилча даргдоацаш а да.
Болх дика дӀахьош ба, болхлоша бехктокхаме кхоачашду, шоаш тӀаийца декхараш. 2025 шера из болх йистебала безаш хиларга хьежжа доацаш, кхы а хьалхагӀа из баккха хьожаргда тхо», - аьлар Хаматхананаькъан Батыра.
42 километр дӀаьха долча Кен хи тӀагӀолла тилла тӀий тоадар чудоагӀаш да, «ГӀалгӀай Республикан машиний наькъаш тоадар» яхача республикански программанна.
