Гӏалгӏай мехка хьаллоац СВО доакъашхой дезал
Гӏалгӏайче дика новкъостал лоаттаду лаьрххӏача операце доакъашхой дезалашта, яхаш, дийцар «Сердало» газетага республикан Кулгалхочун зарбан болх лелабераша.
Мехка ӏаьдало даим керттерча дешаех лоархӏаш да, царна эшаш дола хьалаш лоаттадар, дешара даькъ тӏа уж массайолча оагӏорахьара дегӏаухаргболаш.
«Тахан цу дезалашкара 700 бер дӏаоттадаьд деша даха ха йоацача берий моттигашка, дешархошта дӏайха даар лоаттаду мах боацаш, дай-ноаной а иштта таро йолаш ба ишколашка, берий бешамашка болх бе», - аьлар ГӏР кулгалхочо Келаматанаькъан Махьмуд-ӏаьлас.
Цу юкъе лоархӏаме да юкъерча дешара таронаш лелаяр. СВО доакъашхой фусамашкара студенташ ӏомалуш ба СПО программах, деррига аьттонаш (льготаш) чу а доагӏаш. Ахкан замах 680 совгӏа бер салаӏа йиш йолаш хилар берий лагерашка, шоай могашал тоаеш, дегӏа низ ӏоабеш.
СВО доакъашхой дезалаш хьаллацар даима тӏахьожам болаш да. Царна эшача хӏаманца новкъостал дарал совгӏа, хьакхоллаш да вахара дика хьалаш.
