Токацара гӀулакх тоадеш, къахьег республике
Мехкара тока хьал ма хулла тоадара тӀехьа, боккха болх дӀахьош ба цу оагӀонцара къахьегамхой. Укх наькъа уж болх дӀахьош боахк Шолжа кхален ток лоаттаеча «Ищерск - Пхьилекъонгий-Юрт» яхача 110 кВ йолча тока станце. Из хоам «Сердалога» бир Мехкадаь зарбан болх лелабераша.
Цу оагӀоно ток лоаттаю 32 эзар сага, 36 тайп-тайпарча балха моттига. Царна юкъе я гаьнарча юрташка яда дарбанчеш, ишколаш, берий бешамаш.
Оалхазараш лорадеш бола 15 гӀирс оттабаьб болхлоша цу даькъ тӀа. Цар керттера декхар - оалхазараш лорадар, царна зе ца хилийтар», - дийцар тха газетага.
Иштта кастлуш хувца лерхӀ тишбенна 20 тока бӀоагӀа. Токаца болх беча наьха кхерамзле лораяра тӀехьа чӀоагӀа лоархӀаме да из.
Керда шу хьатӀакхачалехь, йистедаьха хила дезаш да уж деррига балхаш.
