Гӏалгӏайче дӏахьоргья Даькъастен физика, математика ӏилман ишкол
Гӏалгӏай мехка, ардара бетта 25-31 деношка, дӏахьоргья Даькъастен физикан, математикан ӏилман ишкол, цига дакъа лоацаш хургба 60 гаргга начӏал дола йоккхагӏча классашка багӏа дешархой, юххьанцарча курсашка багӏа студенташ. Цу проекте дакъа лоацаш хургва 150 кандидат, халача яхьах чакхбаьлар эггара чӏоагӏагӏа бола тохкамхой, уж ба СКФО, Москван моттигашкара викалаш.
«Сердало» газетага, Гӏалгӏайчен Паччахьалкхено ма-аллара, карарча шера лаьрххӏа йола терко тӏайохийтаргья дешара практиканна - 80-90% дешара ха дӏалоацаш хургья семинараш, лабораторни балхаш, болх шаьрбар, цига кхоачашдергда чоалхане декхараш.
Къонача начӏалашца болх бергба мехка дикагӏа волча 11 хьехархочо, царна юкъе - Российски ӏилман академе корреспонденташ, иштта МФТИ аспиранташ, дикагӏа йолча вуза профессорско-хьехара тоаба йолаш.
Ӏилман ишкола керттера маӏан - ӏилманна кагирхой терко тӏаозар, кердача ноахалашта тоабашца цхьана болх дӏабахьара говзал ялар, дӏахорча цар дешара оагӏув харжар.
