«Хьалхарчар болама» хьехамчий кхетаче хургья вай мехка
Хьехархошта юкъе дикка пайда беш йола «Хьалхарчар болама» хьехамчий кхетаче хургья вай мехка. Хьалхалаттачар шоай балхацара гӏулакхаш доаржадеш, дикагӏа хургда аьнна хетараш дӏа-хьа эцаш, моттиг хургья цох. Из хоам «Сердалога» бир цу гӏулакха хьалхаэттараша.
Белгалде деза, иштта йолча кхетаченах хьалхалаттарашта боккха пайда хулилга, хӏана аьлча цу наьха дукха хӏама хул шаьрде, дагабала безаш. Цхьан доазон тӏа гуллургба тайп-тайпара нах: хьехархой, гӏо деш бола студенташ, дай, ноаной, СВО доакъашхой, иштта шоаш ӏомадаьр кхычарца декъа кийча бола тайп-тайпарча оагӏонашцара нах.
Тахан болх дӏаболабаь проект тов бетта 15-ча денга кхаччалца хургья. Шин оагӏонцарча балхах латташ хургья из. Эггара хьалха хоржамий оагӏонцара болх дӏахьоргба - укх бетта 3-ча денгара тов бетта 11-ча денга кхоачаш, дӏахо - тов бетта 14-ча денгара 15-ча денга кхоачаш, керттера болх дӏахьоргба.
Дукхача наха вӏаший бовза, республикерча хьехамчий балхацара гӏулакхаш тоаде, кердадарашка кхача аьттув луш моттиг хургья цох.
